លោកជំទាវ ញ៉ែម សាខន សខេង និងឯកឧត្តមអភិសន្តិបណ្ឌិត ស សុខា ដង្ហែអង្គកឋិនទានសាមគ្គី ទៅ វត្តពោធិរតនារាម (ហៅវត្តត្នោត)
អង្គកឋិនទានសាមគ្គីនេះប្រព្រឹត្តទៅ តាមប្រពៃណីព្រះពុទ្ធសាសនា ដោយបានដង្ហែប្រទាក់សិន ព្រះវិហារបីជុំ ដើម្បីប្រគេនចតុប្បច្ច័យ និងទេយ្យទានផ្សេងៗ សម្រាប់ទ្រទ្រង់ដល់ការគង់នៅ និងការសិក្សាធម៌វិន័យរបស់ព្រះសង្ឃក្នុងវត្ត។ ការប្រារព្ធពិធីបុណ្យកឋិនទាននេះ មិនត្រឹមតែជាការបំពេញកុសលផលបុណ្យដ៏ធំធេងដល់ទាយកទាយិកាទាំងអស់ប៉ុណ្ណោះទេ ប៉ុន្តែថែមទាំងបានរួមចំណែកយ៉ាងសំខាន់ក្នុងការ លើកស្ទួយវិស័យព្រះពុទ្ធសាសនា និង ពង្រឹងសាមគ្គីភាព រវាងថ្នាក់ដឹកនាំ មន្ត្រីរាជការ ព្រះសង្ឃ និងប្រជាពលរដ្ឋក្នុងមូលដ្ឋានផងដែរ។
សូមបញ្ជាក់ថា៖ ពិធីនេះដែរក៏មានការអញ្ជើញចូលរួមពី៖ ឯកឧត្តម លោកជំទាវ ប្រតិភូអមដំណើរឯកឧត្តមអភិសន្តិបណ្ឌិត និងជំទាវ ឯកឧត្ដម លោកជំទាវ អភិបាលរងខេត្ត នាយក នាយករងរដ្ឋបាលសាលាខេត្ត មេបញ្ជាការកងកម្លាំងទាំងបីថ្នាក់ខេត្ត នាយកទីចាត់ ប្រធានអង្គភាព ប្រធានផ្នែកចំណុះសាលាខេត្ត ប្រធានមន្ទីរ អង្គភាពជុំវិញខេត្ត ក្រុមប្រឹក្សាស្រុក គណៈអភិបាលស្រុក មន្រ្តីរាជការសាលាស្រុក កងកម្លាំងទាំងបីថ្នាក់ស្រុក ក្រុមប្រឹក្សាឃុំ មេឃុំ ស្មៀន មេភូមិ និងបងប្អូនពុទ្ធបរិស័ទដែលអញ្ជើញមកពីទីជិត ឆ្ងាយជាច្រើនរូបផងដែរ៕
