គេហទំព័រ www.promsochea-hotnews.com.kh ដំណើការតាមប្រកាសលេខ ១០៧ ប្រក ព.ម ចុះថ្ងៃទី៩ ខែកក្កដា ឆ្នាំ២០២៥ របស់ក្រសួងព័ត៌មាន - អាសយដ្ឋានទីស្នាក់ការអង្គភាពស្ថិតនៅតាមបណ្តោយផ្លូវលំ ក្នុងភូមិជ្រៃថ្មី ឃុំកោះរកា ស្រុកពាមជរ ខេត្តព្រៃវែង ។
គេហទំព័រ ព្រំុ សុជា ហតញូស៍ (www.promsochea-hotnews.com.kh) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ

ព័ត៌មានរសើប៖ បុរសម្នាក់បំភ្លឺករណីថតទីតាំងសង្ស័យល្បែងស៊ីសង និងបោកកុំព្យូទ័រមិនមែនជាអ្នកកាសែត ខណៈមហាជនស្នើឱ្យសមត្ថកិច្ចចុះពិនិត្យ!

 ព័ត៌មានរសើប៖ បុរសម្នាក់បំភ្លឺករណីថតទីតាំងសង្ស័យល្បែងស៊ីសង និងបោកកុំព្យូទ័រមិនមែនជាអ្នកកាសែត ខណៈមហាជនស្នើឱ្យសមត្ថកិច្ចចុះពិនិត្យ!

ភ្នំពេញ៖ កាលពីម្សិលមិញ មានវីដេអូមួយត្រូវបានចែកចាយនៅលើបណ្ដាញសង្គមហ្វេសប៊ុក ដែលបង្ហាញពីជម្លោះរវាងបុរសម្នាក់ និងម្ចាស់ផ្ទះមួយកន្លែង ស្ថិតនៅភូមិត្រពាំងពោល សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ ក្នុងវីដេអូនោះ មានសកម្មភាពថតទីតាំងដែលត្រូវបានសង្ស័យថាមានការដាក់ល្បែងស៊ីសង និងមានការប៉ះទង្គិចគ្នា រហូតឈានដល់ការបោកកុំព្យូទ័រមួយគ្រឿងនៅខាងមុខទីតាំងនោះ។

ក្រោយវីដេអូត្រូវបានផ្សព្វផ្សាយយ៉ាងទូលំទូលាយ មហាជនមួយចំនួនបានសម្ដែងការសង្ស័យថា បុរសដែលបង្ហាញក្នុងវីដេអូអាចជាអ្នកសារព័ត៌មាន ឬមានគោលបំណងផ្សេងពាក់ព័ន្ធនឹងការថតទីតាំងខាងលើ។ ទន្ទឹមនឹងនេះ ក៏មានអ្នកសារព័ត៌មានមួយចំនួនបានយកវីដេអូនេះមកផ្សព្វផ្សាយ និងស្នើឱ្យសមត្ថកិច្ចជំនាញចុះពិនិត្យស្រាវជ្រាវ ដើម្បីឱ្យមានភាពច្បាស់លាស់។


យ៉ាងណាក៏ដោយ នៅថ្ងៃទី៥ ខែកញ្ញា ឆ្នាំ២០២៦ លោក ព្រុំ សុជា បានធ្វើបទសម្ភាសន៍ជាមួយបុរសដែលបង្ហាញក្នុងវីដេអូ ដើម្បីស្វែងរកការបំភ្លឺពីមូលហេតុ និងដំណើររឿងជាក់ស្តែង។


បុរសរូបនោះបានបញ្ជាក់ថា លោកមិនមែនជាអ្នកសារព័ត៌មានទេ ហើយក៏មិនមែនជាអ្នកលេងល្បែងដែរ។ លោកបានអះអាងថា លោក និងម្ចាស់ផ្ទះដែលត្រូវបានសង្ស័យថាមានទីតាំងល្បែងស៊ីសង គឺជាអ្នកធ្លាប់ស្គាល់គ្នាពីមុន ហើយលោកក៏ធ្លាប់លក់កាហ្វេនៅក្បែរគ្នាផងដែរ។

តាមការបំភ្លឺរបស់បុរសរូបនេះ លោកបានឱ្យដឹងថា នៅថ្ងៃកើតហេតុ លោកបានទៅលេងផ្ទះរបស់ម្ចាស់ទីតាំងខាងលើ ហើយនៅពេលនោះបានកើតមានការទាស់សម្ដីគ្នា រហូតស្ថានការណ៍កាន់តែតានតឹង និងឈានទៅដល់ការប្រើអំពើហិង្សា ព្រមទាំងមានសកម្មភាពបោកកុំព្យូទ័រដែលលោកអះអាងថាជាឧបករណ៍ប្រើប្រាស់នៅក្នុងទីតាំងនោះ។

លោកបានបញ្ជាក់ជាថ្មីថា សកម្មភាពដែលបង្ហាញក្នុងវីដេអូមិនមែនជាសកម្មភាពរបស់អ្នកសារព័ត៌មានដែលចុះយកព័ត៌មាននោះទេ ប៉ុន្តែជាករណីជម្លោះរវាងមនុស្សដែលធ្លាប់ស្គាល់គ្នា។

ជាមួយគ្នានេះ លោកក៏បានស្នើសុំឱ្យអាជ្ញាធរ និងសមត្ថកិច្ចពាក់ព័ន្ធចុះពិនិត្យទីតាំងខាងលើ ដើម្បីបញ្ជាក់ឱ្យបានច្បាស់ថា តើទីតាំងនោះមានសកម្មភាពល្បែងស៊ីសងខុសច្បាប់ ឬយ៉ាងណា និងចាត់វិធានការតាមផ្លូវច្បាប់ ប្រសិនបើរកឃើញមានបទល្មើសពិតប្រាកដ។

ក្នុងនាមជាប្រជាពលរដ្ឋ លោកបានស្នើសុំដល់អាជ្ញាធរមូលដ្ឋាន និងសមត្ថកិច្ចជំនាញ ជាពិសេស លោកវរសេនីយ៍ឯក ម៉ន វុទ្ធី អធិការនគរបាលខណ្ឌពោធិ៍សែនជ័យ និងលោក សក់ កញ្ញារិទ្ធ អភិបាលខណ្ឌពោធិ៍សែនជ័យ មេត្តាចាត់មន្ត្រីជំនាញចុះស្រាវជ្រាវ និងពិនិត្យទីតាំងដែលត្រូវបានលើកឡើងនេះ ដើម្បីរកការពិត និងធានាសន្តិសុខ សណ្ដាប់ធ្នាប់ជូនប្រជាពលរដ្ឋ។

ព័ត៌មាននេះជាការបំភ្លឺរបស់ភាគីពាក់ព័ន្ធតាមរយៈបទសម្ភាសន៍ ហើយការពិតយ៉ាងណានោះ គួររង់ចាំការស្រាវជ្រាវ និងការបញ្ជាក់ជាផ្លូវការពីអាជ្ញាធរ និងសមត្ថកិច្ចជំនាញ។

Post a Comment

Previous Post Next Post