🔴 BREAKING NEWS | ស្រុកអង្គស្នួល៖ លោក នូ សុវណ្ណរិទ្ធ ដឹកនាំកម្លាំងចុះពង្រឹងសន្តិសុខ និងសណ្ដាប់ធ្នាប់ ការពារសុវត្ថិភាពបេក្ខជនក្នុងថ្ងៃប្រឡងបាក់ឌុប!

 🔴 BREAKING NEWS | ស្រុកអង្គស្នួល៖ លោក នូ សុវណ្ណរិទ្ធ ដឹកនាំកម្លាំងចុះពង្រឹងសន្តិសុខ និងសណ្ដាប់ធ្នាប់ ការពារសុវត្ថិភាពបេក្ខជនក្នុងថ្ងៃប្រឡងបាក់ឌុប!

ខេត្តកណ្ដាល៖ ដើម្បីធានាឱ្យដំណើរការប្រឡងសញ្ញាបត្រមធ្យមសិក្សាទុតិយភូមិ ប្រព្រឹត្តទៅដោយរលូន សុវត្ថិភាព និងមានសណ្ដាប់ធ្នាប់ នៅថ្ងៃទី១០ ខែសីហា ឆ្នាំ២០២៦ លោក នូ សុវណ្ណរិទ្ធ អភិបាល នៃគណៈអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុកអង្គស្នួល បានអញ្ជើញដឹកនាំក្រុមការងារ និងកងកម្លាំងចុះត្រួតពិនិត្យ និងពង្រឹងការងារសន្តិសុខ សុវត្ថិភាព និងសណ្ដាប់ធ្នាប់ នៅមណ្ឌលប្រឡង វិទ្យាល័យ ហ៊ុន សែន អង្គស្នួល។

ក្នុងការចុះពិនិត្យនេះ មានការចូលរួមពីលោក សាន វ៉ាន់ធុល អភិបាលរងស្រុក លោក សេង ណារ័ត្ន អភិបាលរងស្រុក លោកអធិការនគរបាលស្រុកអង្គស្នួល ព្រមទាំងកងកម្លាំងពាក់ព័ន្ធ ដើម្បីត្រៀមការពារ និងរក្សាសន្តិសុខ សុវត្ថិភាពជូនបេក្ខជន អាណាព្យាបាល លោកគ្រូ អ្នកគ្រូ និងអ្នកពាក់ព័ន្ធទាំងអស់នៅជុំវិញមណ្ឌលប្រឡង។

ការចុះអនុវត្តផ្ទាល់របស់ថ្នាក់ដឹកនាំ និងកងកម្លាំងនៅមូលដ្ឋាននេះ ត្រូវបានមើលឃើញថា ជាការបង្ហាញពីការយកចិត្តទុកដាក់ខ្ពស់ចំពោះសុវត្ថិភាព និងបរិយាកាសប្រឡង ដើម្បីឱ្យបេក្ខជនអាចផ្តោតអារម្មណ៍លើការប្រឡងដោយភាពកក់ក្តៅ និងទំនុកចិត្ត។

ជាពិសេស ការដឹកនាំកម្លាំងចុះពិនិត្យដោយផ្ទាល់របស់លោក នូ សុវណ្ណរិទ្ធ ក្នុងនាមប្រធានគណៈបញ្ជាការឯកភាពរដ្ឋបាលស្រុកអង្គស្នួល បានបង្ហាញពីការទទួលខុសត្រូវ និងការយកចិត្តទុកដាក់របស់អាជ្ញាធរមូលដ្ឋាន ក្នុងការរួមចំណែកធានាឱ្យការប្រឡងដ៏សំខាន់មួយនេះ ប្រព្រឹត្តទៅដោយសន្តិភាព សណ្ដាប់ធ្នាប់ និងសុវត្ថិភាព។