🚨 ពលរដ្ឋស្នើថ្នាក់ដឹកនាំចាត់មន្ត្រីជំនាញចុះពិនិត្យផ្លូវបេតុងប្រវែងប្រមាណ ៩០០ម៉ែត្រ ក្រោយសង្ស័យមានសភាពប្រេះស្រាំ!

 🚨 ពលរដ្ឋស្នើថ្នាក់ដឹកនាំចាត់មន្ត្រីជំនាញចុះពិនិត្យផ្លូវបេតុងប្រវែងប្រមាណ ៩០០ម៉ែត្រ ក្រោយសង្ស័យមានសភាពប្រេះស្រាំ!

ខេត្តកណ្ដាល៖ ប្រជាពលរដ្ឋស្នើសុំឱ្យលោក នូ សុវណ្ណារិទ្ធ អភិបាលស្រុកអង្គស្នួល និងឯកឧត្តម គួច ចំរើន អភិបាលខេត្តកណ្ដាល ចាត់មន្ត្រីជំនាញបច្ចេកទេសចុះពិនិត្យជាក់ស្តែងផ្លូវបេតុងមួយខ្សែប្រវែងប្រមាណ ៩០០ម៉ែត្រ ស្ថិតនៅភូមិត្រពាំងខ្ទឹង ឃុំត្រាំម្កាក់ ស្រុកអង្គស្នួល ខេត្តកណ្ដាល។

តាមការលើកឡើងរបស់ប្រជាពលរដ្ឋ ផ្លូវនេះត្រូវបានសាងសង់ដោយក្រុមហ៊ុន «យេាយីម» ប៉ុន្តែសំណង់មិនទាន់បានប្រើប្រាស់បានមួយខែផង ត្រូវបានគេអះអាងថាមានសភាព ប្រេះស្រាំជាកង់ៗ ដែលបង្កឱ្យមានការព្រួយបារម្ភអំពីគុណភាព និងអាយុកាលប្រើប្រាស់។

ជុំវិញករណីនេះ លោកមេឃុំក្រាំងម្កាក់បានប្រាប់បណ្ដាញសារព័ត៌មានក្នុងស្រុកថា គម្រោងនៅមិនទាន់ផុតកុងត្រានោះទេ ហើយប្រសិនបើក្រុមហ៊ុនធ្វើការងារមិនបានត្រឹមត្រូវ នឹងមិនទូទាត់ប្រាក់ជូនឡើយ។

ប្រជាពលរដ្ឋសង្ឃឹមថា ថ្នាក់ដឹកនាំស្រុក និងខេត្ត នឹងចាត់មន្ត្រីជំនាញចុះពិនិត្យផ្ទាល់ ដោយយកលក្ខណៈបច្ចេកទេស និងស្តង់ដារគម្រោងជាមូលដ្ឋាន ដើម្បីបញ្ជាក់ឱ្យច្បាស់ថា តើការប្រេះស្រាំកើតឡើងដោយសារមូលហេតុអ្វី និងតើក្រុមហ៊ុនត្រូវមានការទទួលខុសត្រូវយ៉ាងដូចម្តេច ប្រសិនបើរកឃើញថាមានកំហុសបច្ចេកទេស។

👉 មហាជនកំពុងរង់ចាំមើលថា តើអាជ្ញាធរនឹងចុះពិនិត្យនៅពេលណា និងលទ្ធផលនៃការត្រួតពិនិត្យនឹងបង្ហាញយ៉ាងដូចម្តេច?