🔴 ពលរដ្ឋស្នើអាជ្ញាធរស្រុកស្អាង ចុះពិនិត្យទីតាំងសង្ស័យមានល្បែងមាន់ជល់អនឡាញ នៅឃុំព្រែកគយ!

 🔴 ពលរដ្ឋស្នើអាជ្ញាធរស្រុកស្អាង ចុះពិនិត្យទីតាំងសង្ស័យមានល្បែងមាន់ជល់អនឡាញ នៅឃុំព្រែកគយ!

កណ្ដាល៖ ពលរដ្ឋនៅមូលដ្ឋានបានស្នើសុំឱ្យអាជ្ញាធរ និងសមត្ថកិច្ចពាក់ព័ន្ធ ចុះពិនិត្យ និងមានវិធានការតាមច្បាប់ចំពោះទីតាំងមួយ ដែលត្រូវបានរាយការណ៍ថា មានការលេងល្បែងស៊ីសងមាន់ជល់អនឡាញយ៉ាងអនាធិបតេយ្យ ស្ថិតនៅ ភូមិព្រែករុនក្រោម ឃុំព្រែកគយ ស្រុកស្អាង ខេត្តកណ្ដាល។

តាមការលើកឡើងរបស់ប្រជាពលរដ្ឋក្នុងមូលដ្ឋាន ទីតាំងខាងលើត្រូវបានសង្ស័យថា មានការបើកឱ្យប្រជាពលរដ្ឋចូលលេងល្បែងស៊ីសងតាមប្រព័ន្ធអនឡាញ ដែលបង្កឱ្យពួកគាត់មានការព្រួយបារម្ភពីផលប៉ះពាល់ដល់សន្តិសុខ សណ្តាប់ធ្នាប់សាធារណៈ និងជីវភាពប្រជាពលរដ្ឋនៅក្នុងមូលដ្ឋាន។

ជុំវិញបញ្ហានេះ ប្រជាពលរដ្ឋស្នើសុំឱ្យ លោកវរសេនីយ៍ឯក រស់ ចន្ថា អធិការ នៃអធិការដ្ឋាននគរបាលស្រុកស្អាង មេត្តាចាត់មន្ត្រីជំនាញចុះពិនិត្យទីតាំងខាងលើជាបន្ទាន់ ហើយប្រសិនបើការត្រួតពិនិត្យរកឃើញថា ពិតជាមានការប្រព្រឹត្តល្មើសច្បាប់ សូមចាត់វិធានការបង្ក្រាប និងអនុវត្តតាមនីតិវិធីច្បាប់ឱ្យបានម៉ឺងម៉ាត់។