ផ្លូវជាតិលេខ ៦ ជាសរសៃឈាមសេដ្ឋកិច្ច និងទេសចរណ៍ដ៏សំខាន់របស់កម្ពុជា

ចេញផ្សាយ ថ្ងៃទី ០១ ខែ កក្កដា ឆ្នាំ ២០២៥

MoINFO APP 

ផ្លូវជាតិលេខ ៦ ដើរតួនាទីយ៉ាងសំខាន់ជាខ្សែផ្លូវសេដ្ឋកិច្ចជាតិ តភ្ជាប់ខេត្តកំពង់ចាម កំពង់ធំ និងសៀមរាប ទៅកាន់បណ្តាខេត្ត-រាជធានីផ្សេងៗទៀត តាមរយៈបណ្តាញហេដ្ឋារចនាសម្ព័ន្ធដឹកជញ្ជូនដ៏ប្រទាក់ក្រឡា។ ខ្សែផ្លូវនេះបានរួមចំណែកយ៉ាងធំធេងក្នុងការជំរុញកំណើនសេដ្ឋកិច្ច និងទេសចរណ៍ទូទាំងប្រទេស។

ទន្ទឹមនឹងនេះ ផ្លូវជាតិលេខ ៦ ក៏ជាកម្លាំងចលករដ៏សំខាន់ក្នុងការជំរុញវិស័យទេសចរណ៍នៅតាមបណ្តាខេត្តដែលស្ថិតនៅអមសងខាងផ្លូវនេះ ជាពិសេសខេត្តកំពង់ធំ សៀមរាប និងព្រះវិហារ ដែលជាជង្រុកនៃប្រាសាទបុរាណ និងរមណីយដ្ឋានធម្មជាតិដ៏ស្រស់ស្អាត។

ផ្លូវជាតិលេខ ៦ មានប្រវែងសរុប ២៤៨,៥៣ គីឡូម៉ែត្រ ចាប់ពីថ្នល់កែងខេត្តកំពង់ចាម ដល់អង្គ្រង ខេត្តសៀមរាប។ ផ្លូវនេះត្រូវបានក្រាលបេតុងកៅស៊ូ (AC) យ៉ាងល្អប្រសើរ និងបានដាក់ឱ្យប្រើប្រាស់ជាផ្លូវការកាលពីថ្ងៃទី១១ ខែមិថុនា ឆ្នាំ២០១៨៕