ព្រោះតែទឹកប្តូនិស្ស័យ បុរសម្នាក់ទាញកាំបិតតាំងតោ កាប់បុរសម្នាក់ទៀតរងរបួសធ្ងន់នៅឃុំកំពង់ប្រាំង!
(ខេត្តព្រៃវែង)៖មានករណីហឹង្សាដោយចេតនា (មានស្ថានទម្ងន់ទោស)
មួយនៅយប់ថ្ងៃទី២៩ ខែមិថុនា ឆ្នាំ២០២៥ វេលាម៉ោងប្រហែល ២០:៣០ នាទី នៅចំណុចផ្ទះឈ្មោះ សុន ចិត្រ ស្ថិតនៅភូមិល្វាកោង ឃុំកំពង់ប្រាំង ស្រុកពារាំង ខេត្តព្រៃវែង។
ផ្តើមចេញពីការផឹកសុីជាមួយគ្នាអស់ស្រា០២លីត្រ ដល់ស្រវឹងជោគជាំនិយាយគ្នាលែងស្តាប់ក៏បានទាស់សម្ដីគ្នា ឈ្មោះ សុន ចិត្រ បានទាញ់កាំបិតតាំងតោពីលើគ្រែ កាប់ទៅលើជនរងគ្រោះឈ្មោះ ហម ឆេងហេង(ហៅ ចយ) ចំក្បាលលើគុំត្រចៀកខាងឆ្វងដាច់សាច់ហូរ ឈាមស្រោចខ្លួន ភ្លាមនោះជនរងគ្រោះក៏បានរត់ចេញមកផ្លូវស្រែកអោយអ្នកជិតខាងជួយ។
ហើយបានរាយការណ៍ប្រាប់សមត្ថកិច្ចប៉ុស្តិ៍នគរបាលរដ្ឋបាលកំពង់ប្រាំង ពេលទទួល បានពត៌មានកម្លាំងជំនាញអធិការរដ្ឋាននគរបាលស្រុកពារាំង សហការជាមួយ ប៉ុស្តិ៍នគរបាលរដ្ឋបាលកំពង់ប្រាំង បានចុះទៅដល់កន្លែងកើតហេតុ និងនាំជន សង្ស័យខាងលើមកប៉ុស្តិ៍នគរបាលរដ្ឋបាលកំពង់ប្រាំងដើម្បីសាកសួរ ហើយឈោ្មះ សុន ចិត្រ - បានឆ្លើយសារភាពថា ខ្លួនពិតជាបានយកកាំបិតតាំងតោកាប់ទៅលើ ឈ្មោះហម ឆេងហេង(ហៅ ចយ)បណ្តាលឲ្យរងរបួសពិតប្រាកដមែន ។
សភាពរឿងហេតុ៖ នៅយប់ថ្ងៃទី២៩ ខែមិថុនា ឆ្នាំ២០២៥ វេលាម៉ោងប្រហែល ១៨និង៣០នាទី ឈ្មោះ ហម ឆងហេង (ហៅ ចយ)ភេទប្រុស អាយុ១៩ឆ្នាំ រស់នៅភូមិសំបួរ ឃុំកំពង់ប្រាំង ស្រុក ពារាំង ខេត្តព្រៃវែង បានតេទូរស័ព្ទទៅបបួលឈ្មោះសុន ចិត្រ ផឹកស្រា ហើយឈ្មោះសុ ន ចិត្រ បានថា មកផឹកផ្ទះអញ់មក បន្តិចក្រោយមកឈ្មោះហម ឆេងហេង បានជិះ កង់មកដល់ផ្ទះឈ្មោះ សុន ចិត្រ ក៏បានចុះទៅផឹកស្រាសជាមួយជនសង្ស័យ ផឹក មានតែគ្នាពីរនាក់ - ផឹករហូតដល់ម៉ោងប្រហែល ២០និង៣០នាទី ផឹកអស់ស ចំនួន ២លីត្រ ក៏បានទាស់សម្ដីគ្នា ភ្លាមនោះឈ្មោះ ហម ឆេងហេង ក៏បានចូលទៅ បទជើងក្នុងបន្ទប់ទឹក ពេលចេញមកវិញ ឈ្មោះ សុន ចិត្រ បានទាញ់កាំបិតតាំង តោពីលើគ្រែ កាប់ទៅលើជនរងគ្រោះ ចំក្បាលលើគុំត្រចៀកខាងឆ្វងដាច់សាច់ហូរ ឈាម ភ្លាមនោះជនរងគ្រោះក៏បានរត់ចេញមកផ្លូវស្រែកអោយអ្នកជិតខាងជួយ។
បច្ចុប្បន្នជនរងគ្រោះត្រូវបានក្រុមគ្រួសារបញ្ជូនទៅព្យាបាលមន្ទីរពេទ្យបង្អែកស្រុកពារាំង ចំណែកជនសង្ស័យត្រូវបានកម្លាំងជំនាញនាំយកទៅអធិការដ្ឋាននគរបាលស្រុក ពារាំង ដើម្បីកសាងសុំណុំរឿងតាមនិតិវិធី ៕
