🔴 BREAKING NEWS | អង្គស្នួល៖ អាជ្ញាធរចុះពិនិត្យ និងរុះរើសំណង់គ្មានច្បាប់អនុញ្ញាត ដែលស្ថិតនៅជាប់ដីចំណីផ្លូវសាធារណៈ!

 🔴 BREAKING NEWS | អង្គស្នួល៖ អាជ្ញាធរចុះពិនិត្យ និងរុះរើសំណង់គ្មានច្បាប់អនុញ្ញាត ដែលស្ថិតនៅជាប់ដីចំណីផ្លូវសាធារណៈ!

ខេត្តកណ្តាល៖ ដោយអនុវត្តតាមប្រសាសន៍ណែនាំរបស់ លោក នូ សុវណ្ណរិទ្ធ អភិបាល នៃគណៈអភិបាលស្រុកអង្គស្នួល នៅព្រឹកថ្ងៃទី១១ ខែសីហា ឆ្នាំ២០២៦ វេលាម៉ោង ៩:០០នាទី លោក រស់ រ៉ុម អភិបាលរងស្រុក តំណាងលោកអភិបាលស្រុក បានដឹកនាំក្រុមការងារការិយាល័យជំនាញ និងអាជ្ញាធរពាក់ព័ន្ធ ចុះពិនិត្យ និងអនុវត្តការរុះរើសំណង់ដែលពុំមានច្បាប់អនុញ្ញាត នៅជាប់ដីចំណីផ្លូវសាធារណៈ ស្ថិតនៅភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាល។

ការចុះពិនិត្យនេះ ធ្វើឡើងក្នុងគោលបំណងពិនិត្យស្ថានភាពជាក់ស្តែង និងជំរុញឱ្យមានការគោរពបទប្បញ្ញត្តិពាក់ព័ន្ធនឹងការប្រើប្រាស់ដីចំណីផ្លូវសាធារណៈ ព្រមទាំងរក្សាសណ្តាប់ធ្នាប់ និងផលប្រយោជន៍សាធារណៈនៅមូលដ្ឋាន។

ក្នុងប្រតិបត្តិការនេះ មានការចូលរួមពីមន្ត្រីជំនាញ និងអាជ្ញាធរមូលដ្ឋាន រួមមាន៖ លោក ស៊ុយ វាចា នាយករងរដ្ឋបាលស្រុកអង្គស្នួល, លោក ម៉េង ថុនា ប្រធានការិយាល័យនីតិកម្ម និងសម្រុះសម្រួលវិវាទមូលដ្ឋាន, លោក ចាន់ សុធី អនុការិយាល័យពាក់ព័ន្ធ, លោក ស៊ិន សំអាង មេឃុំបែកចាន ព្រមទាំងមន្ត្រី និងអ្នកពាក់ព័ន្ធ សរុបចំនួន ១២នាក់។

⚠️ លទ្ធផល៖ ម្ចាស់សំណង់ឯកភាពរុះរើតាមលទ្ធផលនៃការចុះពិនិត្យ ម្ចាស់សំណង់បានឯកភាពរុះរើសំណង់តាមការណែនាំរបស់ក្រុមការងារ ដោយអនុវត្តស្របតាមគំនូសបង្ហាញ និងការវាស់វែងដែលផ្តល់ដោយក្រុមការងារ។

សកម្មភាពនេះ ត្រូវបានមើលឃើញថា ជាការចូលរួមអនុវត្តតាមការណែនាំរបស់អាជ្ញាធរ និងជាការរួមចំណែកក្នុងការរក្សាសណ្តាប់ធ្នាប់សាធារណៈ ការពារដីចំណីផ្លូវ និងបង្ការការកាន់កាប់ ឬសាងសង់ដោយគ្មានការអនុញ្ញាតនៅតាមទីតាំងសាធារណៈ។