ជនសង្ស័យ០២នាក់ធ្វើសកម្មភាពលួចម៉ូតូធូដេរបស់ស្រ្តីអ្នកសម្អាតបរិស្ថានអនាម័យ ត្រូវនគរបាលខណ្ឌ៧មករាចាប់បាន
(ភ្នំពេញ)៖ ក្រោយមានការណែនាំពីលោក ថេង សុថុល អភិបាល នៃគណ:អភិបាលខណ្ឌ៧មករា លោកវរសេនីយ៍ឯក ជុន ប៊ុនណាន អធិការនគរបាលខណ្ឌ៧មករា បានធ្វើការស្រាវជ្រាវបន្ទាន់ដើម្បីកំណត់មុខសញ្ញា រហូតចាប់ខ្លួនជនសង្ស័យទាំង ០២នាក់ មកអនុវត្តតាមនីតិវិធី។
សូមបញ្ជាក់ផងដែរ នៅព្រឹកថ្ងៃថ្ងៃទី២៣ ខែឧសភា ឆ្នាំ២០២៦ ស្រ្តីចំណាស់ម្នាក់ ជាអ្នកសម្អាតបរិស្ថានអនាម័យ ខណៈពេលកំពុងបំពេញការងារ តាមបណ្ដោយផ្លូវកម្ពុជាក្រោម មូលដ្ឋានសង្កាត់មិត្តភាព ខណ្ឌ៧មករា បានចតម៉ូតូម៉ាកធូដេ នៅតាមផ្លូវ ស្រាប់តែមានក្រុមជនសង្ស័យ០២នាក់ បានធ្វើសកម្មភាពលួចម៉ូតូយកទៅបាត់តែម្ដង៕
