FBI ប្រកាសផ្ដល់រង្វាន់ ១០ម៉ឺនដុល្លារ សម្រាប់ព័ត៌មានដែលឈានដល់ការចាប់ខ្លួនខ្មាន់កាំភ្លើងដែលបាញ់សម្លាប់លោក Charlie Kirk

 FBI ប្រកាសផ្ដល់រង្វាន់ ១០ម៉ឺនដុល្លារ សម្រាប់ព័ត៌មានដែលឈានដល់ការចាប់ខ្លួនខ្មាន់កាំភ្លើងដែលបាញ់សម្លាប់លោក Charlie Kirk

សហរដ្ឋអាម៉េរិក៖ តាមរយៈសារនៅលើបណ្ដាញសង្គម ការិយាល័យស៊ើបអង្កេតសហព័ន្ធ ហៅកាត់ថា FBI បានប្រកាសថា នឹងផ្តល់រង្វាន់ ១០ម៉ឺនដុល្លារអាម៉េរិក សម្រាប់រាល់ព័ត៌មានដែលនាំទៅដល់ការចាប់ខ្លួនខ្មាន់កាំភ្លើង។

ក្រុមអ្នកស៊ើបអង្កេត និយាយថា ខ្មាន់កាំភ្លើងបានបន្សល់ទុកកាំភ្លើង និងគ្រាប់រំសេវ នៅតំបន់ព្រៃក្បែរនោះ ខណៈ FBI ប្រមូលបានភ័ស្តុតាងមួយចំនួនទៀត។

FBI បានធ្វើការចែករំលែករូបភាពពីកាមេរ៉ាសុវត្ថិភាព ដែលបង្ហាញពីភិនភាគរបស់ជនសង្ស័យ ដោយមានពាក់អាវដៃវែងពណ៌ខ្មៅ មានរូបឥន្ទ្រីនៅលើទង់ជាតិអាម៉េរិក វ៉ែនតាខ្មៅ និងមួកបេសប៊លពណ៌ដឹត។

ទីភ្នាក់ងារខាងលើ ក៏បានចេញផ្សាយវីដេអូឃ្លាំមើល ដោយបង្ហាញពីជនសង្ស័យដែលគេជឿថា ជាខ្មាន់កាំភ្លើងដែរបានបាញ់សម្លាប់សកម្មជនអភិរក្សនិយម វ័យ៣១ឆ្នាំ លោក ឆាលី ឃើក (Charlie Kirk) និងត្រូវជាមនុស្សជំនិតរបស់ប្រធានាធិបតីអាម៉េរិក លោក ដូណាល់ ត្រាំ (Donald Trump) កាលពីពេលរសៀលថ្ងៃទី១០ ខែកញ្ញា ឆ្នាំ២០២៥ ៕