អធិការដ្ឋាននគរបាលស្រុកពាមជរ បើកវគ្គហ្វឹកហាត់លំហាត់របៀបជូនកងកម្លាំង ដើម្បីពង្រឹងវិន័យ និងសណ្តាប់ធ្នាប់!
សកម្មភាពហ្វឹកហាត់នេះ ធ្វើឡើងនៅសន្និសីទសាលនៃអធិការដ្ឋាន ដោយមានការចូលរួមពីកម្លាំងអធិការដ្ឋានស្រុក និងមន្ត្រីនគរបាលប៉ុស្តិ៍រដ្ឋបាលទាំង១០ សរុបចំនួន ៣២នាក់ (ក្នុងនោះមានមន្ត្រីនារីចំនួន ១៤នាក់)។
វគ្គហ្វឹកហាត់នេះ មានគោលបំណងពង្រឹងវិន័យ សណ្តាប់ធ្នាប់ របៀបរៀបរយ និងលើកកម្ពស់សមត្ថភាព ក៏ដូចជាសីលធម៌របស់មន្ត្រីនគរបាលជាតិម្នាក់ៗ ឱ្យស្របតាមលក្ខន្តិកៈ និងបទបញ្ជា ដើម្បីធានាបាននូវប្រសិទ្ធភាពក្នុងការបំពេញភារកិច្ចបម្រើជាតិ និងប្រជាពលរដ្ឋក្នុងមូលដ្ឋាន៕
